Завтра 12-го октобра буде у Братіславі проходити Волебне згромаджіня орґанізацій народностных меншын про вольбу членів одборных рад. Засіданя першый раз скликує нововытвореный Фонд на підпору културы народностных меншын, котрый належыть під резорт міністерства културы Словацькой републікы. О 14-ій годині в просторах Танечного штудія Іфю Сівек в Братіславі зачне засіданя представителів русиньской народностной меншыны, котры бы мали волити членів одборных рад на посуджованя проєктів русиньскых орґанізацій на будучій рік.
(Петро Кімак-Фейко)