Франція є подля міністра загранічных діл і европскых справ Словацькой републікы Івана Корчока стратеґічным партнером Словакії. Окрім стратеґічного партнерства Корчок з французькым резортным колеґом Жан-Ів Ле Дріаном почас понедількового телефонату бісідовав і о головных пріорітах словацькой влады ці актуалнім вывої в европскім і меджінароднім середовиску. Аґентуру TASR о тім інформовало пресове одділіня резорту словацькой діпломації. Корчок підкреслив, же розвиток взаємных односин з Франційов належыть ку пріорітам словацькой загранічной політікы. Зато має міністерство інтерес обновити інтензіту політічных і робочіх стріч такой, як то сітуація уможнить.

(Медвідь, TASR)