Днес в просторах Бібліотекы карпаторусістикы Інштитуту русиньского языка ПУ в Пряшові ся одбывать перше засіданя Русиньской секції новозрядженой Порадной групы про забезпечіня гармонізації практікы з чінным законом о хоснованю языків меншын. Засіданя ся одбуде за участи Ласла Буковского, уповномоченого влады Словацькой републикы про народностны меншыны і етнічны ґрупы, котрый і ку 18-му януару 2018-го року дану порадну ґрупу і зрядив. Ґрупа была зряджена на період од 1-го фебруара 2018-го року до 31-го децембра 2020-го року і має пять окремых секції: про мадярьскый язык, про русиньскый, ромскый, україньскый і і німецькый язык. Головнов задачов ґрупы і їй окремых секцій є творіня, актуалізація і авторізація перекладів текстів до языків народностных меншын в областях хоснованя языків народностных меншиын. Дорусиньской секції были на спомянутый період уповномоченым про народностны меншыны і етнічны ґрупы выменуваны Анна Плішкова з Інштитуту русиньского языка і култтуры Пряшівской універзіты в Пряшові, Петро Медвідь – шефредактор ґазеты НН інфо Русин і член Выбору про народностны меншыны і етнічны ґрупы за русиньску народностну меншыну і правник Мартін Дуфала.