На кінці другой світовой войны была обновена Чеськословеньска република, котра як бы то de iure неперестала ниґда існувати, протоже Мніховськых договор з 1938-го року быв анулованый. Перша ческословеньска повойнова влада ся зыйшла на кінці войны в Кошыцях, абы на выході обновленого штату прияла проґрам влады Народного фронту Чехів і Словаків. Документ быв названый подля місця приятя Кошыцькый владный проґрам. Од його выголошіня минуло днесь 75 років. Кошыцькый владный проґрам быв проґрамованый документ першой влады Народного фронту Чехів і Словаків, котры славностні выголосили 5-го апріля 1945-го року на сполочнім засіданю  першой чеськословеньской влады і Словеньской народной рады. (TASR, Pkf)