Вчера презідент Андрій Кіска меновав на основі пропозіції Народной рады СР за уставных судцїв Яну Лашшакову, Мойміра Мамойку і Мирослава Дуріша. До функції уставных судцїв суть менованы на 12 років. Презідент новым уставным судцям зажелав много енерґії і сил при наповнёваню посланя в найважнїшій судній інштітуції, котра є в каждім штатї поважована за найвекшу судну авторіту, яка охранює права і слободы людей. „Є правда, же на моє розгоднутя о выменованю сьте чекали дакус довше. Хочу зато днесь выразити надїю, же тото чеканя ся наконець нашій країню оплатити і же своёв роботов приспієта к посилниню авторіты Уставного суду в очах одборной, но і шыршой публікы,“ повів новым уставным судцям Кіска. Славностного акту в Презідентьскім палацу ся зучастнила і председнічка Уставного суду СР Івета Мацейкова. Новы судцёве подля єй слов зачнуть выконавати функції такой слїдуючій день.
(TASR)

Фото: TASR/M. Baumann