В неділю 2-го юла в Машківцях, філії парохії Зубне, одбыв ся одпуст з нагоды 255-ой річніці збудованя Храму святых Петра і Павла повязаный з посвячіньом обновленого екстерьєру і інтерьєру церькви. На торжестві брав участь владыка Петро Руснак, апостольскый адміністратор Пряшівской ґрекокатолицькой архієпархії, котрый посвятив зреконштруованый храм і одслужыв торжественну літурґію. Машківці належать меджі маленькы села, но на одпуст окрім домашніх пришли і многы родаци а віруючі з близкой околіці.

(Медвідь, ISPA)