Булгарія достала у четверь од лідрів Европской унії зелену про заведжіня евра як сполочной мены од 1. януара будучого рока. Представітелї членьскых країн унії так на самітї в Бруселї підпорили пропозіцію Европской комісії уможнити Булгарії, жебы ся стала 21. членом еврозоны. Булгарія є членом ЕУ од року 2007 а буде першов державов, котра прийме евро, по тім, як  роцї 2023 зачала сполочну мену хосновати Хорватія. Передтым, як міністры фінанцій ЕУ офіціално приймуть тот правный акт, то буде потребне конзултовати з Европскым парламентом а Европсков централнов банков. Тоты крокы ся але поважають за формаліты.

(TASR, Шутіова)