Російскы силы перебрали контролю над цілов україньсков Луганьсков областьов, інформував о тім вчера тамтешній Москвов досадженый представитель Леонід Пасечнік про російску телевізію Первый канал.  Інформує о тім пресаґентура Reuters. Луганьску область – вєдно зо Запоріжсков, Херсоньсков і Донецьков – анектовала Росія в септембрі 2022-го року, і то незважаючі на то, же їх не мала повністью під контрольов. Приближно о рік на то в тых областях Росія зорґанізувала вольбы. Запад і Києв анексію і вольбы осудили і не узнали їх выслідкы. Російскый презідент Владімір Путін выголосив, же тоты спомянуты штири україньскы области суть частьов Росії. Тота область з теріторійов 26.700 квадратных кілометрів є першов україньсков областьов, котра є повністью під контрольов російскых сил од анексії Крôму в року 2014. (TASR, Пкф)