Лідры 26 членьскых країн Европской унії ся у четверь на самітї в Бруселї припоїли ку сполочному выголошіню председы Европской рады Антонія Косту о продовжованю в підпорі Україны. Зо сполочныма єдномысельныма заверами подля інформацій TASR не было согласне лем Мадярьско. Повторяла ся так сітуація з марцового засіданя, кедь мадярьскый премєр Віктор Орбан єднак не быв согласный зо сполочныма заверами о Українї. Будапешть тыж не была согласна з приятём Україны до ЕУ, хоць подля Европской комісї войнов знищена держава сповнила вшыткы условія на зачатя приступовых роковань. То сі але выжадує підпору вшыткых членьскых штатів.

(TASR, Шутіова)