В осени того року бы симе могли підписати зо Сербійов меморандум о порозумліню і співпраці в области діґіталізації верейной справы. По їднаню зо сербскым міністром про іновації і технолоґічный розвиток Ненадом Поповічом то повів підпредседа влады про інвестіції і інформатізацію Ріхард Раші. „Хочеме, жебы тот меморандум не быв лем о декларації, але жебы обсяговав конкретны імплементачны актінвости. Жебы на його основі помагали словацькы експерты, але і словацькы бізнісмены коло творіня інформатізації верейной справы, але і при творіню народной концепції інформатізації верейной справы. Жебы ся сотворив простор на стрічаня експертных ґруп, де можеме передати скучености і позітівны і неґатівны, котры сьме при інформатізації верейной справы здобыли,“ повів по стрічі Раші. Подля сербского міністра розвиток діґіталізації поможе і тому, жебы сербскы і словацькы фірмы были годны вєдно брати участь на проєктах в рамках Европы, Росії і іншых держав. Поповіч оцінив і приготовленость а охоту Словакії передавати скушености із будованя іновачной екосістемы в господарьстві.
(TASR, Медвідь)