Сербія твердить, же вчера на своїй теріторії затримала трьох косовскых поліцайтів. Подля Пріщіны шак поліцайты, котры патрили до часті пограничной сторожі, унесли коротко по тім, як ведучі наголосили вникнутя маскованых озброєных  мужів до області, котру стражыли. інформує  о тім аґентура AFP. Подля Сербії были поліцайты озброєны автоматічнов збройов, в цілковій воєньскій выбавлености, зо заряджінями GPS, мапами і дальшым выбавліньом. На відеу, котре опубліковала сербска поліція, є видно, як маскованы мужі беруть ґрупу поліцайтів в путах, пише аґентура AFP. Косовскый міністер внутра Хсегал Свечла знова обвинив “кріміналну Сербію“, котрого озброєнци як повідають вступили на теріторію Косова і унесли одтыль трьох поліцайтів, причім подля нього дошло к порушіню меджінародных прав. (TASR, Pkf)