Мадярьскый Народный уряд про безпечность потравин потвердив у четверь притомность вірусу пташачой хрипкы на гусячій фармі в Новоградьскій століцї, на што упозорнили мадярьскы орґаны і словацьку страну. З одкликанём ся на аґентуру MTI о тім інформує справодайця TASR в Будапешту. Подля выражіня уряду наказу підтіпом вірусу Г5Н1 потвердили в селї Церед на фармі, де ховали 5176 гусок а была там зазначена підвышена умертность і понижана продукція яєць. Ветерінарный уряд нарядив ліквідацію a становив охранне пасмо з поломером трёх кілометрїв а пасмо догляду з поломером десятёх кілометрів. Позераючі на то, же обидві пасма засягують і на теріторію Словакії, мадярьскый головный ветерінарьный доктор такой варовав Штатну ветерінарну і потравинову справу СР.

(TASR, Шутіова)