x

Меджі Андрейов Калавсков і Робертом Фіцом є напятя

00

Конфлікт міністеркы здравотницьтва Андреї Калавской і Smeru-SD мусить вырішыти партія Smeru-SD, твердить коалічна SNS. „Почекаме собі на становиско Smeru-SD на коалічній раді,“ увела про TASR говоркыня партії Зузана Шкопцова. Резорт здравотницьтва інформував о тім, же пропозицію реформы шпиталів, знамый як стратіфікація, непредложыть як уставный закон. Партія Smer-SD реаґувала, же пропозицію реформы шпиталів в подобі обычайного закона непідпорить. За інформаціями SNS в коаліції кажда партія решпектує коалічного партнера і його міністра. „Нестало ся іщі, абы номінант коалічной партії ішов против свойой політичной партії, або просаджував інше становиско,“ сконштатувала говоркыня. Підпору пропозиції закона о стратіфікації в подобі обычайного закона покы авізовала опозична SaS. (TASR, Пкф)