Білорускый презідент Алехандер Лукашенко підписав постановліня, котрым одкликує владу. Інформувала о тім вчера аґентура BelTA. Подля справодайского канала Belorus 1 о пропозиціях на зложіня нового кабінету діскутовало вчера на засіданю представителів веджіня країны, котрому председав Лукашенко. Лукашенко на марґо зміны влады подля Belarus 1 увів, же формованя новой влады ся зачало уж давно,  “правдеподобно може перед шестіма місяцями“. Подля російского справодайства порталі Meduza.io Лукашенко вяже зміну влады з презідентьскыма вольбами, в котрых буде уж по шестый раз по собі кандідовати. Презідентьскы вольбы в Білорусії ся одбудуть 9-го авґуста. (TASR, Pkf)