При полiцiйнiй акцiї з назвом „Выставба“ затримали 42-рiчного мужа, котрый собі мав выжадати уплаток у вышцi 92.500 евро од iншой особы. Як пресаґентуру TASR iнформовав говорця Президiя Полiцiйного збору (PZ) Роман Гаєк, в рамках акції была выконана оглядка iншых просторiв i забезпечіня многых доказуючіх матерялiв. Обвиненый 42-рiчный муж собi мав, у звязку з розпарцельованьом фундушів про цiлі планованой iндівiдуалной квартельной выставбы в селі в близькости Вранова над Топльов, выжадати од iншой особы уплаток у вышцi 92.500 евро. Говорця увів, же собі го перебрав в канцеларiї свого робочого мiсця і по перебратi уплатку його зразу затримали прямо на урядi. Акцiю выконали полiцайты протiкорупчной часті Уряду боя проти орґанiзованой крiмiналiты Президiя PZ в сполупраці з кошыцьков поготовoстнов полiцiйнов частьов 17-го юла. Джерело фотоґрафії: Facebook/Polícia SR. (TASR, Pkf)