Посланцi Народной рады СР за коалічный Hlas-SD підпорять владну пропозицію новелы Уставы СР. Про пресаґентуру TASR то авізовав председа парламенту Ріхард Рашi  з тым, же так зроблять і наперек тому, же парламент не схвалив їх поправлюючу пропозицію на выпущіня єдного выборчого обводу. Не знать але, яка буде позиція посланця Яна Ференчака, котрый жадав пересунутя голосованя з юна на септембер. Рашi поуказав нато, же при Уставi є голосованя вольне, кідьже іде о вопросы ціностей. (TASR, Pkf)