До eHranica мож зареґістровати ся 30 днів перед приходом на Словакію. В повязаню з режімом на граніцях о тім інфомровало Міністество здравотницьтва. Говоркыня резорту Зузана Еліашова пояснила, же при приході на Словакію є каждый повинный реґістровати ся в аплікації eHranica і наслідно ся реґістраційов у електронічній або папірьовій подобі леґітімовати на граніцях при навернутю. Реґістровати ся мож на сайті korona.gov.sk/ehranica. Можливость выповнити формуларь 30 днів допереду значіть, же реґістровати ся мож іщі перед подорожіньом до заграніча. Як пояснила Еліашова, не залежыть на тім, ці особа была лем накупити або была на вакаціях, реґістровати ся мусить каждый. Так само не грає роль, ці была особа вакцінована, має неґатівный тест або перешла хворотов COVID-19.

(Медвідь, TASR)