Центрум підпоры про войновых утеченців з Україны кінцьом минулого тыждня в Снині офіціалні отворила Арцідієцезна харіта Кошыці (ACHK). В просторах, де мав свій центер і денный стаціонар, превадзкують центрум уж скоро два місяці, але теперь харіта доказала вытворити і робочі місця про самых  утеченців.  TASR о тім за ACHK інформувала Сілвія Грабчакова. Заместнаны утеченці в сполупраці з харітатівныма робітниками і добровольниками помагають при інтеґрації і вытвараню актівіт про україньскы комуніты. В часі двох місяців в центрі помогли вєдно 308 єднотливцям і родинам, котры нашли дочасный домів в місті Снина і його околиці. Окрім потравиновой  і матерялной помочі помагають при гледаню уквартилюваня, выбавлюваню урядных справ, орґанізуваню курзів словацького языка і вытваряню вольночасовых актівіт про найменшых і дорослых. Актуалні центрум навщівує скоро 60 єднотливців і родин, котры в Снині і околиці нашли дочасный домів. (TASR, Пкф)