В пятніцю 29-го децембра в просторах Інштітуту русиньского языка і културы Пряшівской універзіты в Пряшові одбыло ся выголошіня резултатів Літературного конкурзу Марії Мальцовской 2023. Цілково до Літературного конкурзу Марії Мальцовской 2023 приголосило ся вісем авторів, з них шість послало прозовы творы. Перше місце тот рік здобыла уж позната русиньска писателька Людмила Шандалова, на другім місці скінчіла Марія Шмайдова, посліднім з оціненых є Мірослав Жолобаніч. Вшыткы оцінены мали в конкурзі прозовы творы.

(Медвідь)