Презідентка СР Зузана Чапутова у четверь положыла вінець ку памятнику Мілана Растіслава Штефаника в ареалї обсерваторії в містї Меудон. Штефаник в меудонскій обсерваторії, котра ся находить лем дакілько кілометрів од центра Паріжа, пособив на зачатку 20. стороча як астроном. Чапутова підчеркла Штефаників одказ і в середу на стрічі з французьскым презідентoм Емануелом Макроном в Елізейскім палацу. Як увела, Штефаник, котрый траґічно загынув перед 100 роками, ся прічинив о історічно добры одношіня меджі Словеньском і Франціёв, причім Франція зограла важну роль і коло взнику ЧСР. Як презідентка іщі зачатком того рока інформовала словеньске міністерство културы, СР пожертвує на обновлїня обсерваторії в Меудоні суму 350.000 евр.

(Шутіова,TASR)