На новый російскый штатный учебник історії, котрый означує револуцію Мадярїв з року 1956 за бунт фашістічных радікалів і одсун совїтьскых войск з країны выходного блоку поважує за хыбу, одмітаво реаґував штатный секретарь мадярьского міністерства загранічных справ Томас Менцзер. Подля його высловів про сервер origo.hu была споминана револуція бунтом Мадярїв проти комуністичній діктатурі, інформує о тім справодайця TASR в Будапещі. Протест высловили і бывшы міністры заграничных справ Мадярьска і то саме ся очікує од Віктора Орбана ці презіденткы републікы Каталін Новаковой. (TASR, Pkf)