Венецькый суд одсудив талiяньского подникателя Антоніна Вадалу на девять років і штири місяцї басы за пашованя дроґ з Южной Америкы до талiяньской Калабрії. Довєдна з Вадалом было в рамках процесу одсудженых далшых 17 підозрилых. Страна Smer-SD є зодповідна за перепоїня таліяньской мафії на цолників, поліцію чі владу на Словакії. У четверь то выголосили представітеле гнутя OĽaNO в повязаню з одсуджінём Антоніна Вадалу за пашованя дроґ венецькым судом. SaS вызывать поліцайного презідента Мілана Лучаньского і ґенералного прокуратора Яроміра Чіжнара, жебы зробили потрібны крокы і перепоїня вышетрили. Подля Матовіча мали дїяти уж давно.

( Шутіова,TASR)