x

Мілан Маєрьскый зіставать надале жупаном ПСК

00

В суботу 29-го октобра 2022-го року проходили на Словакії першый раз споєны крайскы і комуналны выборы. В Пряшівскім самосправнім краю (ПСК), де жыє найвеце Русинів в рамках Словакії, зіставать жупаном Мілан Маєрьскый (KDH, Sme rodina, SaS, Za ľudí).Найвекшов конкуренційов му быв Михал Калиняк, родак з Меджілаборець (Hlas – sociálna demokracia, SMER – SD, SNS, SZÖVETSÉG – ALIANCIA). Но хоць му кількость голосів в порівнаню з баданями преференцій  пред выборами наросла, не старчіло то, і по пятьрічнім мандаті буде далшы штири рокы председом ПСК Маєрьскый. Калиняк здобыв 31,39 процента голосів, причім староновый жупан Маєрьскый мав 42,01 процента. Но хоць Калиняк не быв успішный як кандідат на жупана, здобыв безконкуренчно найвеце голосів із вшыктых кандідатів зо вшыткых окресів на посланців ПСК. З чіслом голосів 12 460, котры здобыв за окрес Пряшів а кількостьов посланців, котры ся за тоту саму коаліцію дістали до крайского парламенту, і котрым бракує лем трьох людей, жебы мали точну половину заступистельства ПСК, є реалным кандідатом на віцежупана. (ЛЕМ.ФМ, Pkf)