Депутаты Народной рады СР ани днесь не їднають о пропозіції на одкликаня міністеркы културы Мартіны Шімковічовой. В салі парламенту ани почас другой пробы не была надполовічна векшына вшыткых депутатів, присутных їх было лем 53. Кедьже парламент не быв узнесіняспособный, председа Народной рады Петер Пеллеґріні закінчів засіданя. Єдночасно інформовав, же в смыслі порядку засіданя буде тот пункт міморядного засіданя, значіть пропозіція на одкликаня міністеркы, пропонованый до проґраму слідуючого засіданя парламенту. Пропозіцію на одкликаня Шімковічовой дали опозічны депутаты за PS i SaS.

(Медвідь, TASR)