Новый посланець Народной рады Словацькой републікы Іґор Душенка, котрый буде в клубі Slovensko, Za ľudí, KÚ, не буде голосовати за новелу Конштітуції СР. Інформовав о тім на понедільковій пресконференції. Душенка склав присягу днесь, до парламенту наступив за помершу посланкыню Анну Заборьску, котра новелу підпорила в першім чітаню. Лідер політічного субєкту Hnutie Slovensko Іґор Матовіч повторив, же посланці того руху не підпорять нияк новелу конштітуції. Но кебы Smer-SD зохабив KDH, жебы просадило зміны конштітуції, втогды бы такы зміны якбач підпорили і Матовічовці.

(Медвідь, TASR)