Польскый презідент Анджей Дуда в понедільок в україньскій столиці Київ святочно одкрыв памятник співоснователькы профсоюзного руху Солідарность Анны Валентіновічовой. Дуда почас церемонії повів, же пропущіня Валентіновічовой з роботы в році 1980 вело ку штрайкам в заводі на шыфы в Ґданьску і наслідному выникнутю Солідарности, інформовала аґентура PAP. Презідент далше повів, ще Валентіновічова собі заслужыть памятник нелем в Польщі. Припомянув, же ся народила на теріторії, котра днесь належыть Україні і зато в собі „вяже велику вартость польско-ураїньского приятельства.“ Анна Валентіновічова ся народила 15-го авґуста 1929-го року в місті Рівне на западі Україны. Вмерла в році 2010 при гаварії польского шпеціалу, котрый ішов з Варшавы до Смоленьска.

(Медвідь, TASR)