Опозічны KDH, SaS i Hnutie Slovensko крітікують презідента Петра Пеллеґріні, котрому мав подля інформацій ґазеты Denník N в році 2020 як председови влады выбавльовати загранічну навщіву в Моксві мадярьскый міністер загранічных діл Петер Сійярто. Сійярто мав на жадость мадярьского премєра Віктора Орбана поясняти російскому міністрови загранічных діл Серґейови Лаврови, же про Мадярьско є „ключово важным“, жебы на Словакії продовжовала втогдышня владна коаліція, і же приятя втогдышнього премєра Пеллеґріні бы му „барз помогло выграти вольбы“. Председа SaS авізовав у тій справі поданя діла на Ґенералну прокуратуру, і засягованя Росії до волеб на Словакії подля нього мусить розсліджати ся. Із Канцеларії презідента СР інформовали, же в році 2020 Пеллеґріні „як втогдышній премєр брав участь на штандартнім політічнім їднаню“, і же голова державы „не зохабить ся ниякым способом затігати до передволебной кампани в Мадярьску“.

(Медвідь, TASR)