До інфраштруктуры основных школ в селах і містах з притомностьов марґіналізованых ромскых комуніт (MRK) буде мати можность 16 самосправ на середній і выходній Словакії інвестовати веце як 12,5 міліона евр. Выходить то зо схваленых жадостей о вклад з вызвы в Проґрамі Словакія, котру схвалив Уряд уповномоченого влады СР про ромскы комуніты (ÚSVRK). Реалізаційов проєктів ся створить або змодернізує капаціта призначеных класів і одборных навчальных кабінетів про 3142 школярів. Шеф уряду Александер Дашко у тім звязку попередив, же інвестіції до школскых будов і матеріально-технічного обладнаня не суть лем о інфраштруктурі, але передовшыткым о будучности дітей з MRK. (TASR, Пкф)