x

Судна рада СР запропонує презіденткі СР Зузані Чапутові одкликати 82 судців

00

Презідентка СР Зузана Чапутова оцінює, же Судна рада СР вырішыла у звязку зо законом запропонувати одкликаня судців, котры досягли вік над 65 років.  Пресову аґентуру TASR о тім інформував говорця презіденткы СР Мартін Стріжінец. Судна рада СР запропонує презіденткі СР Зузані Чапутові одкликати 82 судців, котры досягли 65 років і веце. Пропозицію одобрила рада на вчерайшім засіданю єдноголосно, 16 голосами притомных. Цільом є подля председу Судной рады Яна Мазака одстранити і направити протіправный став. Як припомянув, презідент може на пропозицію Судной рады СР судцю одкликати, рада шак дану пропозицію мусить предложыти. (TASR, Pkf)