Шпиталям в портуґалскій метрополі Лісабон, заплавеныма пацєнтами зо захворіням COVID-19, загрожує, же недокажуть успокїти звышуючу  ся потребу кіслороду. Ознамив то шеф здружіня портуґалскых лікарів. Німецько уж послало до країны воєньскых лікарів, абы посудили, як можуть помочі. Днесь о тім інформувала пресова аґентура Reuters. Портуґалія голосить цілково 668.951 потвердженых припадів інфікації коронавірусом і 11.305 смертелных пригод вєдно рекордных 293 мерьтвых  в середу. Країна боює зо вшыткых сил, абы справила ся з рекордным чіслом інфікованых. (TASR, Pkf)