Парк културы і оддыху (ПКО) в Пряшові приправив в школскім році 2025/2026 едукачны проґрамы про основны і середні школы. Цільом є споїти едукацію зо забавoв і дати школярям актрактівны проґрамы, котры доповнюють школске навчаня. Проґрамы ся одбудуть в різных інштітуціях ПКО і суть призначены про школярів вшыткых віковых катеґорій – од першого класу основной школы по середні школы. Пресаґентуру TASR о тім інформовала манажерка културы ПКО Валерія Валічкова. Як увела, понукають темы од наукы і технiкы через еколоґію, фолклор, музику аж по дiґіталну безпечность і здравы односины. Проґрамы суть керуваны одбoрниками, умелцами і педаґоґами, причім комбінують з діскусійов, театром, музиков і інтерактивныма елементами. (TASR, Пкф)