В понедільок 15-го септембра одбыла ся Митрополітна путь Ґрекокатолицькой церькви на Словакії до стародавного путницького місця Маріяповч в Мадярьску. На пути брало участь 3000 путників, множество священиків із окремых єпархій, а так само трьоми єпіскопи. Участны были Высокопреосвященый Йона Максим, пряшівскый архієпіскоп і митрополіта, Высокопреосвященый архієпіскоп Кіріл Василь, кошыцькый єпарха, і Преосвященый владыка Мілан Лах, братіславскый помічный єпіскоп. Путници при чудотоврній іконі Маріяповчаньской Богородіці помолили ся акафіст, паракліс, а так само была одслужена архієрейска літурґія, котрой головным служытельом быв кір Йона. Проповідь тримав архієпіскоп Кіріл. Путь проходила в день, коли на Словакії є державно свято з нагоды римокатолицького праздника Семистрастной Богородіці – покровителькы Словакії.

(Медвідь)