В STVR бы моло дійти ку оптімалітації робочіх місць, дотулити бы ся то мало приблизно пятьох процент із сучасных 1700 робітників. В пресовій справі о тім інформовала ґенерална директорка STVR Мартіна Флашікова. Рішіня арґументовала резултатами персоналного авдіту. За словами Флашіковой то є манажерьске рішіня приняте з цільом звекшыти ефектівность і господарность ряджіня без огрожіня ходу верейноправной інштітуції, і захованя повноцінного фунґованя їй медій. Авдіт подля Флашіковой розкрыв множество скрытых проблем запричіненых довгодобо занедбаныма персоналныма вопросами, высокым технолоґічным довгом, сістемовыма хыбами і неактуалныма інтерныма приписами. Декларовала, же STVR планує в далшых фазах реалізовати і крокы заміряны на діґіталізацію і автоматізацію інтерных процесів.

(Медвідь, TASR)