Іраньскы уряду намагають ся аналізувати чорны скринькы з україньского транспортного аєроплану, котрый минулый тыждень над Тегераном омылом зострілила іраньска противоздушна оборона. Інформувала о тім іраньска штатна аґентура IRNA одкликаваюча ся на слова председу дослідюючой комісії іраньского уряду літецтва Гасана Резаіефара, котрый окрім іншого повів, же записаны дані о літі Тегеран передасть Києву. Україньскый цівілный аєроплан засягла ракета рано 8-го януара коротко по штарті з меджінародного аєродрому в Тегерані. О жывот прийшло втогды 176 людей на палубі. Меджі жертвами было 57 Канадянів, 11 Українців, 17 Шведів, четверо Афґанців, четверо Британців, як і обывателі Ірану. (TASR, Pkf)