Міністерка школства, наукы, баданя і шпорту Мартіна Лубіова (номінантка СНС) бы хотїла підвышыти дотацію на навчаня другого чуджого языка. Але признала, же в тім волебнім періоді ся то уж не стигне, затоже бы сі то выжадовало зміну закона. ,,Такы зміны ся не дають робити з вечера до рана. Уж і так сьме были крітізованы, же на то не є капаціта, зато на то ідеме  злегкы,” увела міністерка. Можность выберу першого чуджого языка в прімарнім навчаню зачала платити од актуалного школьского рока 2019/2020.

(Шутіова, ТАSR)