В суботняйшых вольбах пропало 820 411 голосів, значіть 28,39 процент, што є історічно найвеце в періоді незалежной Словакії. Подля політолоґа Даніела Керекеша є то проблема стратеґії політічных партій, не волебной сістемы. Як про TASR повів, дакотрых пропаданя голосів може одрадити од участи на далшых вольбах. Керекеш вказав на то, же найвеце голосів, котры пропали, запричінило головно то, же коаліція PS-Spolu не дістала ся до парламенту, бо не перекрочіли волебне кворум. Проблема такых голосів дотулять ся подля нього і KDH  ці двох мадярьскых партій. Подля політолоґа мадярьскы партії не одгадли сітуацію і не доїднали ся на сполочнім поступі. Тым взяли мадярьскій меншыні репрезентацію в парламенті, хоць є доста велика на то, жебы єй там мала.

(Медвідь, TASR)