Шпеціалный прокуратор Душан Ковачік кінцьом минувшого тыждня зрушыв узнесіня о обвиніню експремєра Роберта Фіца за высловы о одсуджіню експосланця котлебовців Мілана Мазурека про його высловы о Ромах. Поліція має в тій справі діяти і рішыти то знова, повіла про TASR говоркыня Уряду шпеціалной прокуратуры Яна Текелійова. Оператівець Народной кріміналной аґентуры обвинив експремєра з трьох карных чінів. Іде о ганобліня народа, расы і пересвідчіня, бунтованя ку народностній, расовій і етнічній ненависти вєдно з карным чіном схвальованя карного чіну. В припаді одсуджіня грозить председови партії SMER-SD арешт на єден аж пять років.

(Медвідь, TASR)