Свідницька одівальна компанія I.C.A. невыплатила своїм бывшым робітникам часть заробітку і одступне. Дотулять ся то скоро 130 людей. На пресконференції то вчера в Пряшові повів член председницьтва OZ KOVO Йозеф Беліца. Фірма в першій половині того рока пропустила векшыну робітників і выробу пересунула до Сербії. Компанія твердить, же гроші люди достануть. Як Беліца дале повів, „Покы робить  у фірмі в Свиднику четверо  робітників, котры завершують процес выповіді. Значна часть робітників є уж на уряді праці, або ся заместнали в дальшій  фірмі. Нажаль, заместнаватель  охабив довгы про робітників в цалковій вышкі вецей як 200.000 евр. За місяць юн їм выплатив заробіток і одступне може в десятьпроцентній вышкі з цілковой довжной сумы. Є то про нас, правдаже, неприятельне, протоже робітници достали по 215 евр выплаты. (TASR, Пкф)