Председа Народной рады СР Андрей Данко тырвать на вытворіню міністерства турізму і шпорту. На найближшій коалічній раді передложыть пропозицію коалічным партнерам. Повів то на пресконференції в татранскім селі Стара Лесна. Як далі повів, “буду ся снажыти своїм коалічным партнерам передложыти пропозицію такого міністерства з боку компетенцій, протоже дане міністерство перебере даякы компетенції  міністерству транспорту, міністерству заграничных справ ці міністерству землегосподарьства і школства. Вынучує собі то насправду велику діскусію, але  з мойой думку неуступлю, ці ся то дакому буде любити або ні.“ (TASR, Пкф)