Міністер справодливости Ґабор Ґал (Most-Híd) не запропонує кандідата на председу Найвысшого суду (НС) СР, затоже не хоче до процесу політічно засїгати. TASR о тім інформовала говоркыня резорту справодливости Зузана Дробова. ,,Міністер напевно вірить, же ся найде валушный і прикладный кандідат, котрого членове Судной рады СР зволять,” увела Дробова. Подля Ґала бы мав быти председа НС СР нестранный, незалежный і абсолутно аполітічный. Тоту незалежность внимать міністер і як незалежность од зложок поліцайной сістемы. ,,Лем судця, котрый сповнять такы атрібуты, бы мав быти на чолї єдной з найважнішых інштітуцій в рамках юстіції в СР,” доповнив Ґал.

(Шутіова, TASR)