Словацькый гідрометеоролоґічный устав выдав вчера пополудню выстрагу першого ступня перед бурками про окресы Пряшівского краю. Найгірша сітуація была в Снині, де вода заляла дакілько уліць і наробила немало шкоды. Потвердила то і пріматорка Снины Даніела Ґаландова з тым, же за помочі гасічів зачали з ліквідаціов наслідків на драгах. Подобну сітуацію мали і в містах Гуменне і Меджілабірці, де так само была потребна поміч гасічів. (TASR,  А. Кузмякова)