Пряшівскы крайскы посланці в понедільок 12-го фебруара на своїм засіданю схвалили дотацію про місто Гуменне на выбудованя културно-комунітного центра з назвов Kultúrna trojbodka в рамках проєкту Місто културы 2024. Центер выбудує ся коло центра вольного часу і Вігорлатьской бібліотекы. Нова будова буде служыти на реалізацію културных подій і презентацію умелців, але і на неформалну освіту а вольночасовы актівности жытелів міста. Поміч з боку ПСК є в сумі 25 тісяч евр. Дофінанцованя забезпечіть місто.

(Медвідь, TASR)