Oціньованя добровольницькых почінів Сердце на долони, котре в Пряшові каждый рік орґанізує Пряшівскый добровольницькый центер, oдштартовало і тот рік. Є адресоване, окремым особам, ґрупам, інштітуціям і проєктам, котры роблять добры чіны без фінанчной нагороды. Номінації в девятьох катеґоріях можуть люде посылати до 20-го октобра. TASR o тім iнформовав говорця міста Пряшів Mихал Гудак. „Люде, котры жертвенно присвячують свій час і енерґію іншым, собі заслужать нелем нашу почливость, але і хвілю, кедь їм то можеме вернути. Оцініньом Сердце на долони їм высловлюєме вдяку і указуєме, же добро в нашім обществі мать потребне місце. Віриме, же і звидителніньом тых пригод можеме повзбудити далшых людей, жебы ся до помочі запоїли і вєдно наростали, як окремы особы так і общество,“ повіла підпредседкыня Пряшівского добровольницького центра і коордінаторка оціньованя Сердце на долони в Пряшівскім краю Юлія Maрковічова. O уділіню оцініня в Пряшівскім краю вырішує незалежна оцінююча комісія. Oціньованя проходить в реґіонах по цілій Словакії а буде завершене святочным ґалавечером 27-го новембра в ПКО Чорный орел в Пряшові. (А.Кузмякова, TASR)