Шведьско і Україна ознамили, же підписали выголошіня о сполочнім замірї зрядити на Українї центер на розвиток новых збранёвых технолоґій. Шведьскый міністер обраны Пал Йонсон потвердив, же в центрї буде робити і шведьскый персонал. TASR о тім інформує на основі справы аґентуры AFP. ,,Посилнить то нашу сполочну способность розвивати і вырабляти новы технолоґії про боїско,“ увів Йонсон на пресовій конференції. Подля міністра буде Україна здєляти одборны зналости в области боя а Шведьско додать способности з розвитком покроковых збранёвых сістемів. Україньскый міністер обраны Деніс Шмыгаль по боку свого шведьского партнера додав, же обидви державы уж мають ,,много договорів а конкретных выголошінь о замірі, або доконця контрактів меджі шведьскыма і україньскыма компаніями.“ Обидві державы ся намагають зачати кооперацію што найскоріше, додав Шмыгаль.

(TASR, Шутіова)