Летїско Кошіцї од недїлї (29. 3.) завело лїтнїй лїтовый порядок. Значіть то рекордну кількость 12 реґуларных лінок, дві новы дестінації – до Малаґы і Рима, як і веце летів на споїнях до Братїславы, Прагы ці Задару. Інформовав о тім говорця летїска Юрай Тот. Нове лїтецьке споїня до іспаньской Малаґы спустить компанія Ryanair днесь. Лїтати ся буде двараз до тыждня, все в понедїлёк і четверь. На найвекше летїско в Італії, зачне компанія Wizz Air лїтати од завтра 31. marca а лінка буде лїтати каждый віторок і суботу. Од вчера ся зарівно верло до понукы і споїня до хорватьского Задару. Лінка до Прагы буде лїтати сім раз тыжденно  а компанія Wizz Air уж підвышыла і кількость летів на внутроштатній лінцї Кошіцї- Братїслава на 13 летів тыжденно. Як інформовав выконный директор і председа представенства Летїска Кошіцї Томас Дворшак, воздушный пристав за першы два місяцї того рока выбавив веце як 104.000 путуючіх, што є меджірочный нарост о 36 процент.

(TASR, Шутіова)