Председа Европской комісії Жан-Клод Юнкер давать пропозицію, абы зохабили необсаджены позиції еврокомісарів, котры кандидовали в евровольбах і были зволены за посланців нового Европского парламенту. За словами Юнкера бы їх місця мали зостати необсаджены до 1. новембра, то значіть до наступу будучой ехекутівы ЕУ, абы ся ушетрило на фінанціях. Увела то белґіцька телевізна станіця  RTBF з одклаканям ся на Юнкерово інтервію про німецькый періодікум Bild am Sonntag. Пять з 28 днешніх еврокомісарів были в минулотыжньовых цілоевропскых вольбах зволены за новых посланців Европского парламенту. Мандат Юнкеровой  еврокомісії буде тырвати до 1. новембра і каждый з 28 членьскых штатів – вєдно зо Споєным кральовством, як до того часу невыступить – мать право мати властного еврокомісара в ехекутіві ЕУ. (TASR, Пкф)