Словеньскый презідент Андрій Кіска у четверь підпорив Мароша Шефчовіча як кандідата Вышеградьской штиркы на дакотрый з найвысшых постів в Европскій унії. Зробив так на тлачовій конференції в Ланох. ,,Єм пересвідченый, а говорив єм то і перед презідентьскыма вольбами, же пан Шефчовіч є скушеный діпломат, а думам сі, же державы В4 бы тоту ёго намагу мали підпорити,” выголосив Кіска в реакції на новинарїв. Словеньскый презідент в тім повязаню тыж підчеркнув, же: ,, наш реґіон бы мав мати силного заступцю в европскых штруктурах”. Як вгодного кандідата підпорив словно у вівторок Шефчовіча і словеньскый премєр Петер Пеллеґріні. Увів але, же Шефчовіч є лем єдным з кандідатів, але не офіціалным кандідатом В4, котрого номінацію на пост председу Европской комісії підпорують державы В4.

  (TASR, Шутіова)