Французькый презідент Еммануел Макрон в понедільок в Паріжі стрітив ся з новым україньскым презідентом Володиміром Зеленьскым. Макрон на стрічі выразив надію, же буде мож зробити далшый саміт о мірі на Донбасі в такзванім нормандьскім форматі, значіть за участи презідентів Франції, Україны, Росії і німецькой канцеларькы Анґелы Меркеловой. Зеленьскый підкреслив, же пріорітов є закінчіня войны і привернутя україньскых областей анектованых Російов, што подля нього не мож досягнути воєньскыма средствами. Подля україньского презідента є єдиным ключом ку міру тиск посередництвом діпломації і санкцій. Зеленьскый жадав Макрона, жебы в тім тиску продовжовав.

(Медвідь, TASR)