Председа Европской рады Доналд Туск є в домовскій Польщі выслухованый поротов депутатів односно розсліджованя припадів великых даньовых уників в періоді, коли быв польскым премєром. Выслухованя є спринимане як проба владного Права і Справедливости здіскредітовати особу Туска і його політічный округ, інформовала аґентура Associated Press. Владна партія хоче собі односно свого головного політічного опонента перед осінніма вольбами до парламенту укріпити свою позіцію. Уж перед тым далша комісія выслуховала Туска в припаді траґічной гаварії владного летадла з року 2010, при котрій вмер польскый презідент Лех Качіньскый, брат лідра Права і Справедливости Ярослава Качіньского, припоминать аґентура.

(Медвідь, TASR)