Карпатьска надація отворила ґрантову вызву Máme radi Ukrajinu з актуалнов сумов  200.000 евр. Гроші перерозділить меджі орґанізації, котры помагають міґрантам на выході Словакії, главні меджі тоты, котры роблять з ромскыма міґрантами і з темов обходованя з людьми, інформувала надація. Ґрантова вызва є отворена по час тырваня крізовой сітуації у звязку з войновым конфліктом на Україні, респектівні до вычерьпаня призначеных фінанцій. Жадости будуть оцінюваны на тыжденні базі. Як конкретізувала діректорка Карпатьской надації Лаура Діттел, же цільом вызвы є барз простым і скорым способом дати фінанції мімовладным, незисковым, містьстным самосправам і школам і тоты средства выужыють на гуманітарну або розвойову поміч про міґрантів з Україны. Єднотливы ініціятивы будуть підпорены сумов до вышкы 5000 евр. (TASR, Pkf)